တိမ်တိုက်ထူသော အခါသမယ

စိတ်ညစ်တယ်
စိတ်ညစ်တယ်
စိတ်ညစ်တယ်
စိတ်ညစ်တယ်ပေါင်းများစွာကို
ငါချရေး
တစ်လုံးတစ်လေမှာများ
ပြေရာပြေကြောင်း
ငါ မြင်ရမတဲ့လား

စိတ်နှစ်ခွ ဒွန်တွဲမှုတွေကြား
ကျနော် မမွေ့လျော်တော့ပါဘူး မေမေရယ်
အဲ့ဒီနေ့တွေရဲ့ မိုးအုံ့မှုကို
ကျနော် မကျေမနပ် ဖြစ်ရတယ်။

မမျှတဘူး ...... မတရားဘူး.........
ငါ ၀ုန်းဒိုင်းကျဲတော့
ငါ ..... လွန်တယ်တဲ့....

ဟက်ဟက်ပက်ပက် ဟားတိုက်ချင်တယ်
ပက်ပက်စက်စက် ရယ်မောချင်တယ်
နောက်
ဝမ်းနည်းပက်လက် ငါ ငိုမယ်
မျက်ရည်တစ်စက်လောက်ကများ
ငါ့ရင်ကို ပေါ့ပါးလေစေမလားလို့ပါ။

ပျော်ရာမှာ မနေ
တော်ရာမှာသာ နေလေတော့လို့
အမိန့်ဆန်ဆန်တွေကြား
ကျနော် မွန်းကျပ်လွမ်းလှပါတယ် မေမေရယ်
ပြည်သူပိုင်လေထဲမှာမှ
လူဖြစ်လာရတာ မောတယ်။

မေမေရယ်
ဘယ်လိုနေရာမျိုးမှာမှ
ကျနော် မပျော်ပိုက်တော့ပါဘူး
ချိုမြိန်တဲ့ အဆိပ်ပျားရည်တွေနောက်
အငမ်းမရ လိုက်လိုက်မှောက်နေရတာကိုက
(ကိုယ့်ကိုယ်ကိုယ်)
မသတီ ဖြစ်လာနေမိရတယ်။

ကဲပါလေ
ရှုံးလက်စနဲ့ အရှုံးသာပေးလိုက်ပါတော့မယ်
သူတို့အလိုပြည့်လို့ ငြိမ်းချမ်းကြတဲ့ခန
ငါ့အပူတွေလဲ ငြိမ်းချမ်းပါရစေ
ငါ နာကျင်သကဲ့သို့
သူတို့ မဖြစ်ကြပါစေနဲ့။

မေမေရယ်
ကျနော် တိုးတိုးတိတ်တိတ်
ကျိတ်မှိတ် မြိုချလိုက်ရတဲ့
မီးကျီခဲတစ်ချို့မှာ
ကျနော့် ကိုယ် .... စိတ်.... နှလုံး.... သုံးပါးလုံး
ဖျားနာကုန်ကြတယ်။

တော်ပါပြီ မေမေရယ်
နံနက်ဖြန်မှာ ကျနော်ကို မေ့သွားကြမယ့် သူတွေထဲ
အာဃာတနဲ့ ကျနော် မပတ်သတ်ချင်တော့ပါဘူး
အလိုရှိသမျှ ယူသွားလိုက်ကြပါ
ငါ မတွယ်တာတော့ပါဘူး
မမြတ်နိုးတော့ပါဘူး
ကိုယ်အလုပ် ကိုယ်လုပ်
အချိန်တန် အိမ်ပြန်
ငါ့ရည်ရွယ်ချက်တွေ ပြီးတဲ့နောက်
ငါ အသေဖြောင့်မယ်
အဲ့ဒါကမှ .... ငါ့ပန်းတိုင်အစစ်ဖြစ်တယ်။

ဇော်။

မိုးကိုချစ်လို့ ငိုရတယ်။

မိုးရယ်
မတွေ့တာ ကြာခဲ့ပြီကွယ်
တိုက်ခတ်လာတဲ့ အရှေ့တောင်အရပ်က
အဲ့ဒီ လေပြည်တွေထဲမှာ
မိုးရဲ့ အငွေ့အသက်များ
ရလိုရငြား
ကျွန်တော်ဟာ မိုးကိုလွမ်းတတ်လာတယ်။

မိုးရယ်
မမြင်တာ ကြာခဲ့ပြီကွယ်
အလွတ်ရနေတဲ့ အဲ့ဒီ ဂဏန်းလေးတွေကို
နှိပ်ဖို့ ကြိုးစားနေရင်းက
သတ္တိမရှိတဲ့ ကျွန်တော်
မိုးကို လွမ်းစိတ်နဲ့
(အကြိမ်ကြိမ်)
ဖျားနာခဲ့ရတယ်။

မိုးရယ်
တိမ်တွေထူတိုင်း ရွာမှာလေလားရယ်လို့
တမ်းတမ်းတတ
ကျွန်တော် ရူးသွပ်ခဲ့ရတယ်
သိနေပါရဲ့နဲ့ မမြင်ချင်ယောင်ဆောင်တဲ့မိုးကို
ကျွန်တော် ဘယ်လို
လှမ်းခေါ်ရပါ့မယ်။

မိုးရယ်
မုတ်သုံလေတွေ မလာခင်ကတည်းက
ကျွန်တော်မိုးကို ချစ်ခဲ့ရပါတယ်
မိုးရဲ့ အေးမြမှုကို
တိတ်တဆိတ် ငံ့လင့်နေခဲ့ရင်းက
ကျွန်တော့်အလွမ်းတွေ
အုပ်စုဖွဲ့တယ်။

ကျွန်တော့်ကို မချစ်နိုင်မှန်း သိရဲ့နဲ့
မိုးခေါ်တေးတွေ
ကျွန်တော် အကြိမ်ကြိမ် ဟစ်ကြွေးခဲ့မိတယ်
ကျွန်တော့်ရင်မှာ မိုးမရွာနိုင်မှန်း
သိနေရဲ့နဲ့
မိုးရဲ့ ငွေ့ရည်ဖွဲ့မှုကို
တိတ်တဆိတ် ကျွန်တော် စောင့်မျှော်ခဲ့မိတယ်။

မိုးရယ်
မိုးနဲ့ဝေးတဲ့အရပ်မှာမှ
ကျွန်တော် ရင်ခုန်ရဲခဲ့ပါတယ်
ရိတ်သိမ်းမိတဲ့ အာရုံတွေတိုင်းမှာ
မိုးက ကျွန်တော့်ရဲ့ ကွန်းခိုရာပါ..
မိုးမသိနိုင်တဲ့ ကျွန်တော့် ရင်ဘတ်တစ်ခြမ်းမှာ
ဝင်သက်ထွက်သက်တိုင်းက
မိုးကို တိုးတိုးဖွဖွ တမ်းတတယ်..

သိပ်ချစ်ရပါတယ်မိုးရယ်
ရွာချင်သလိုသာ ရွာလိုက်ပါ
ပျော်ရာမှာသာ သွန်းဖြိုးပါ
လေနှင်ရာလဲ လွင့်နေပါ
ကျွန်တော်ဆိုတဲ့
ဖြစ်တည်မှု သက်သက်ကောင်ရဲ့ မြေရိုင်းရင်ဟာ
မိုးရဲ့ မျက်နှာလွှဲမှုတိုင်းမှာ
ပက်ကြားတွေနဲ့ ယိုင်နဲ့နေခဲ့
ခြေရာထပ်ခဲ့ပြီပဲ မိုးရယ်.....။

ဇော်။

အိပ်မက်တွေအကြောင်းဖွဲသီခဲ့မိသော လူအလူနလေးတစ်ယောက်၏ ရင်ထဲက ကဗျာ

မျှော်လင့်ထားခြင်းမရှိပါဘဲ..
ဖျော့ဖျော့လွင်လွင် နံနက်ခင်းရဲ့ မြူမှုန်တွေကြားမှာ
ကျွန်တော့်ရင်ခွင်တံခါးကို လာခေါက်တဲ့ နံနက်ခင်းဧည့်သည်လေးက
ကျွန်တော့်ရင်ခုန်သံတွေကိုတောင် အားနာပါးနာ .. အသိအမှတ်မပြုခဲ့ပါဘူး။

ချစ်သူရေ..
အရုဏ်တွေ မလင်းချင်းခင်ကတည်းက
ညတွေဟာ ကျွန်တော့်ရင်မှာ အကြိမ်ကြိမ် နက်ရှိုင်းခဲ့တာပါ။

ကျွန်တော်ဆိုတာ
အနာဂတ်ကို ရူးနှမ်းမိတဲ့..
စကားလုံးတိုင်းမှာ ချစ်သူကို ဘယ်လောက်မြတ်နိုးကြောင်း..
အကြိမ်ပေါင်းများစွာ ဖွဲ့သီမိတဲ့
ဂျစ်ကန်ကန်ဆန်တဲ့
ချစ်သူရဲ့ စစ်သုံ့ပန်းတစ်ယောက်ပါကွယ်။

ဟော့ဒီ အာရုံတစ်လျှောက်
ချစ်သူရဲ့ စကားလုံး အရုတ်အသိမ်းတိုင်းမှာ
ကျွန်တော့် ၀င်သက်ထွက်သက်တွေ ကသောင်းကနင်း နိုင်သွားခဲ့ဖူးတယ်...
ချစ်သူရဲ့ ရယ်သံဟဟတွေကြားမှာ
ကျွန်တော့်အသက်ဓါတ်တွေ တစ်ခဏစာ ချုပ်ငြိမ်းသွားခဲ့ဖူးတယ် ...
ကျွန်တော့်ဝိဥာဉ်ဆိုတာ
ချစ်သူ ပါးပြင်ပေါ်ကို ဖြတ်တိုက်သွားတဲ့ လေပြည်တွေထဲ
ခိုဝင်လိုက်ပါချင်ခဲ့တယ်..
ချစ်သူအတွက် အေးမြငြိမ်းချမ်းခြင်းတွေကို
ဟိုးအဝေး တောင်တန်းကြီးတွေဆီကနေ ကျောပိုးသယ်ဆောင်လို့ပေါ့။

ဒီလို မိုးမရွာတဲ့ အေးစက်စက် ရာသီတွေမှာတောင်
ချစ်သူရဲ့ အငွေ့အသက်နဲ့
ခြောက်ကပ်ကပ် နေ့ရက်တွေ စိမ်းလန်းလာအောင်
ကျွန်တော် ပေါင်းသင်တတ်လာခဲ့ပြီလေ..
ချစ်သူအတွက် ချစ်ခြင်းကို
ဖွဲ့နွဲ့လို့ ကျွန်တော် မပြောတတ်ခဲ့ပါဘူး
ဒါပေမယ့် ကျွန်တော်ဆိုတဲ့ အညတရလေးရဲ့
အသိဥာဏ်ဟာ
ချစ်သူရဲ့ ပုံရိပ်တွေ ထာဝရ ချိတ်ဆွဲပြသရာ
ကိုယ်ပိုင် ပြခန်းငယ်တစ်ခုပါ..

မြောက်ပြန်လေတို့ရဲ့ ဆောင်းရာသီထဲမှာ
ဖြူလွလွ အိပ်မက်တွေထဲ ပျော်ဝင်ရင်း
ကျွန်တော့်ရဲ့ မျှော်လင့်ခြင်းတွေကို လင်းလက်ခွင့်ပေးပါ
ချစ်သူ မသိပေမယ့်
တိတ်ဆိတ်ခြောက်ကပ်နေတဲ့ ကျွန်တော့်အခန်းကျဉ်းလေးရယ်..
ချစ်သူနာမည်ကို အထပ်ထပ်ရေးချ .. စာရွက်တွေနဲ့ ရှုပ်ပွတေလေနေတဲ့
ကျွန်တော့် စာကြည့်စားပွဲလေးရယ်..
ဂီတာတစ်လက်ရဲ့ သံစဉ်တွေနဲ့ လွှမ်းခြုံထားတဲ့
ဥာဥ့်ဦးရဲ့ လရောက်အောက်က
တစ်စက်စက်ကျနေတဲ့ အလွမ်းညတွေကို
ချစ်သူ မသိနိုင်ပေမယ့်..
ချစ်သူ သိနိုင်မှာ မဟုတ်ပေမယ့်လည်း..
ကျွန်တော် လွမ်းနေဦးမယ် ချစ်သူရယ်။

အဲ့ဒီအလွမ်းမှာ ဂန္တ၀င်တင်စေမယ့် စကားလုံးတွေနဲ့ ဖွဲနွဲ့မထားပါဘူး..
အကယ်ဒမီရနိုင်လောက်တဲ့ ဟန်ပြမှုတွေ မပါပါဘူး..
ပျံ့လွင့်လာတဲ့ အဲ့ဒီ တေးသွားတွေကို နားထောင်ရင်း
တိတ်တိတ်ဆိတ်ဆိတ်နဲ့ နက်ရှိုင်းနေတဲ့ ညယံထက်က ကောင်းကင်ကို ကြည့်ရင်း
ကျယ်ပြန့်မျောလွင့် စူးစူးနင့်နင့်နဲ့ လွမ်းတယ် ချစ်သူ။

အကြောင်းအရာတွေနဲ့ မကြီးကျယ်ခဲ့တဲ့ ဟော့ဒီ အညတရ ကျွန်တော်ဆိုတာ
ချစ်သူအတွက် ဖြစ်တည်မှု သက်သက် ကောင်ပါ..
ချစ်သူကို လွမ်းတိုင်း .. မြိုသိပ်ထားရတဲ့ တစ်လုံးတည်းသော အမည်နာမလေးတစ်ခုကိုသာ
တိတ်တဆိတ်ရေရွတ်ရင်း
ချစ်သူကို ကဗျာလေးတစ်ပုဒ်လို ချစ်တဲ့ ကျွန်တော်ဆိုတဲ့ လူငယ်တစ်ယောက်ရဲ့ ရာဇ၀င်ဟာ
သိပ်တော့ဖြင့် ကဗျာမဆန်ခဲ့ပါဘူးချစ်သူ..

ငြိမ်ငြိမ်သက်သက်နဲ့ အခြေကျ အိနြေ္ဒတွေ ရခဲ့ပြီးမှ
တားမြစ်ထားတဲ့ သစ်သီးကို မတော်တဆ ကိုက်မိသလို
အယောင်ယောင်အမှားမှားနဲ့
အချစ်ရဲ့ ပြဌာန်းမှုတွေကို မသိနားမလည်တဲ့ ကျွန်တော်
ချစ်သူရဲ့ မျက်နက်ဝန်းလေးတစ်စုံ ရှေ့မှောက်
တိတ်တဆိတ် ပျောက်ဆုံးသွားခဲ့ဖူးတယ်။

ကျွန်တော့်ရဲ့ ရင်ခွင်တစ်ခြမ်းကို ငုံ့ကြည့်လိုက်တိုင်း
ချစ်သူကို ချစ်ရတဲ့ချစ်ခြင်းနဲ့ တစ်ဆတ်ဆတ်ခုန်နေတဲ့ ကျွန်တော့်နှလုံးသားမှာ
ချစ်သူရဲ့ အမည်နာမလေးက မင်းမူနေခဲ့တယ်..
တကယ်တော့ ချစ်သူဆိုတာ ကျွန်တော့်အတွက်
ကဗျာသိပ်မဆန်တဲ့ ကဗျာတစ်ပုဒ်
ဂုဏ်သတင်းမွှေးပျံ့လွန်းတဲ့ ကျမိုင်းငယ်..
ဂျစ်ကန်ကန်ကောင်မလေးတစ်ယောက်ရဲ့ ဘ၀မှာ
အိပ်ယာက နိုးတိုင်း လွမ်းရတတ်တဲ့
အိပ်မက်ဦးတို့ တည်ရာပါ .. ချစ်သူ

အဘယ်နတ်ဘုရားရဲ့ ပြုစားမှုတွေကြောင့်များလဲ
ခြောက်သွေ့ အေးစက် .. မြူတွေမှိုင်းနေတဲ့ ဆောင်းညတွေနဲ့အပြိုင်
ကျွန်တော့်ရင်ဟာ ချစ်သူမရှိတဲ့ နေ့ရက်တွေမှာ
ပြာရီအက်ကွဲနေတယ်လေ..
ဒါပေမယ့်..
ဒါပေမယ့် ချစ်သူရယ်..
ဖွင့်ထားတဲ့ ကွန်ပြူတာရှေ့ ဆောက်တည်ရာမဲ့ မေ့မေ့လျော့လျော့ထိုင်ရင်း
ချစ်သူရဲ့ အရိပ်အယောင်ကိုများ မြင်ရလို မြင်ရငြား
စောင့်မျှော်နေမိတဲ့ ကောင်မလေးတစ်ယောက်ဟာ
အခါခါ သေဖူးတာတောင်မှ ပျဉ်းဖိုးနားမလည်ခဲ့သေးပါဘူး။

မနီးနိုင်အောင် ဝေးနေခဲ့ရပေမယ့်
ခပ်မဆိတ်ဘဲ ကျွန်တော် လွမ်းနေပါရစေ ချစ်သူ
မျှော်လင့်ချက်ဆိုတာ နံနက်ဖြန်တိုင်းမှာမှ ရှင်သန်တတ်တဲ့အရာမျိုးလား
ကျွန်တော် ဘာကိုမှ မမျှော်လင့်ချင်တော့ပါဘူး
ကျွန်တော်ဆိုတဲ့ ဖားသူငယ်က
ကိုယ့်နွားခြေရာခွက်ကိုမှ တစ်ကမ္ဘာထင်ခဲ့မိတာပါ
ပန်းတွေမပွင့်တဲ့ ရာသီမှာမှ
ညမွှေးပန်းနံ့ကို တမ်းတမ်းတတ ရှိုက်ချင်နေမိတဲ့ ဟော့ဒီကောင်
ကျွန်တော်ဆိုတဲ့ လူအတစ်ယောက်ဟာ
ပန်းတို့ရဲ့ ဥယျာဉ်မှူးကိုတွေ့မှ
ရင်ကိုခွဲပြီး သည်းချင်တိုင်း သည်းခဲ့တာပါ ချစ်သူ..

ချစ်သူနဲ့ ကျွန်တော်ဟာ တစ်မိုးအောက်တည်း အတူ ရှိနေခဲ့လဲ
ကျွန်တော်တို့နှစ်ယောက်ရဲ့ ကျိန်စာဆန်ဆန် ကြမ္မာရိုင်းတွေကြောင့်
ချစ်သူကို သတိရတိုင်း အုံ့မှိုင်းရီဝေလွန်းလှတဲ့ အလွမ်းကဗျာတွေက
ကျွန်တော့်ရဲ့ နေ့ရက်တွေကို
ဆောင်းအငွေ့အသက်တို့နဲ့ စွတ်စိုစေခဲ့ပါပြီ ချစ်သူရယ်..။

ဇော်။