အရိုးသားဆုံးဆက်ဆံတာဟာ အကောင်းဆုံးလက်ဆောင်ပေးလိုက်တာပါတဲ့.. ကျနော်လဲ အရိုးသားဆုံးပဲ ဖြစ်ချင်ပါတယ်.. ကျနော်မြတ်နိုးတဲ့စာတွေ ကဗျာတွေနဲ့ဖွဲ့စည်းထားတဲ့ ကျနော့်ရဲ့နားခိုရာကို တကူးတက အားပေးကြလို့ ကျေးဇူးအထူးတင်လျှက်ပါ.. စိတ်အေးချမ်းသာ ရှိကြပါစေလို့ ဆန္ဒပြုရင်း...။ ။

Saturday, August 6, 2011

ရေခဲမြစ်တစ်စင်းရဲ့ ......................။

ဟိုတုန်းက မြတ်နိုးခဲ့တဲ့ ငြိမ်သက်ခြင်းတွေ အခု မနူးညံ့ကြတော့ဘူး
အုတ်အော်သောင်းနင်း ၀ဋ်လည်ခြင်းတွေကြား ကိုယ်ချင်းစာတရားက ကျနော့်ပါးကို ဖြတ်ရိုက်သွားတယ်
" အခုမှ သက်ပြင်းမချနဲ့ ... " တဲ့။

တွေ့ကြတော့လဲ အေးစက်စက်တေးသွားတွေက သူနဲ့ ကျနော့်ကြားမှာ မြူးတူးကခုန်
ကျောချင်းကပ် နီးနေရတာမျိုးဆိုရင်တော့ ကိုယ့်ကိုယ်ကိုယ်ပဲ မြေကြီးပေါ် ပြားနေအောင်ဖြန့်ခင်း
ကောင်းကင်ကြီးကို လွတ်လွတ်လပ်လပ် မော့ကြည့်ပစ်မယ်

အရင်းနှီးဆုံးလို့ ခေါင်းစဉ်တပ်ပြီး မေးထူးခေါ်ပြောဆက်ဆံခံရတိုင်း ရင်ဘတ်တစ်ခုလုံး ရစ်ရစ်ပြီးနာတယ်
လေထဲမှာ သူစိမ်းနံ့တွေရရင် ကျနော် အသက်မရှူချင်တော့ဘူး

ခါးသက်သက်စကားလုံးတွေ ထည့်ဖျော်ထားတဲ့ ကော်ဖီတစ်ခွက်နဲ့
ကိုယ့်ကိုယ်ကိုယ် သတိမရတဲ့ စစ်ရှုံးသမားက ....... ကျနော်
သွေးစိမ်းရှင်ရှင်ကျနေတာတောင် မျှော်လင့်ချက်တွေ မီးစုန်းတောက်ကြတုန်း

ထားပါလေ
ပြီးတာတွေလဲ ပြီးပါစေပေါ့
ဘုရားလဲ နားငြီးလောက်ပြီ
ဘောပင်လေးလဲ မျက်နှာငယ်ပြီ
စာရွက်တွေလဲ ကွက်လပ်မကျန်တော့ဘူး
အပ်ကြောင်းထပ် အက္ခရာတွေအစား ကျနော် .... မီးကို မှုတ်ငြိမ်းလိုက်ပါမယ်

အကို
..........................
မြက်ပင်လေးက ပြောတယ်
သူ့မှာလဲ အသက်ရှိတယ် ..... တဲ့။


ဇော်။

No comments: