ကျွန်တော်လဲလေ ပုထုဇဉ်လူသားပေမို့ ...

Saturday, May 2, 2009

ခုတလော ကျွန်တော် စာသိပ်မရေးဖြစ်တော့ပြန်ဘူး။ အလုပ်ထဲမှာ စိတ်ဖိစီးမှု သိပ်များလွန်းတယ်လို့ခံစားရတယ်ဗျာ။ စိတ်ရောလူရော ပင်ပန်းရတယ်။ ပြီးခဲတဲ့ရက်ကလဲ ဈေးအကြီးဆုံးပါဆိုတဲ့ ကျွန်တော်တို့ အီလက်ထရောနစ်က ကမ်မရာတစ်လုံးအခိုးခံရတယ်။ သိလိုက်တဲ့အချိန်မှာ ခရီးသည်က လေယာဉ်ပေါ်ရောက်နေပြီ။ ဘယ်လိုမှ မတတ်နိုင်တော့ဘူးလေ။ အဲ့ဒါနဲ့ ကျွန်တော်တို့က ရော်ရလေသတည်းပေါ့ဗျာ။ ကျွန်တော်တို့က သုံးယောက်ထဲရှိတာဗျ။ အဲ့ဒီတော့ အဲ့ဒီငွေပမာဏကို သုံးနဲ့ စားလိုက်တော့ ဘုရားဘုရား၊ တစ်ယောက်ကို မြန်မာငွေ ၃သိန်း၆သောင်းရော်ရမယ်တဲ့။ ရတဲ့လစာကဖြင့် ၈သိန်းရယ်။ ခုတော့ စားစရာမရှိ ရော်စရာရှိရတော့မယ်။ ပြန်တွေးတိုင်း စားမ၀င် အိပ်မပျော်ဖြစ်နေရတယ်လေ။ ဟင့်။

ခုတော့လဲ ချစ်သောမငုံအတွက် ကျွန်တော့်ရဲ့ ကောင်းတဲ့အကျင့်လေးတွေ ထုတ်ပြရတော့တာပေါ့နော်။ ရှက်လဲရှက်ပါရဲ့။ ဒီအရွယ်ကြီးရောက်နေပြီ။ ခုထိကလေးတစ်ယောက်လို ကိုယ့်စိတ်ကိုယ် မထိန်းနိုင်သေးဘူးလေ။ ရင့်ကျက်သင့်ပြီဆိုတာလဲသိပါရဲ့။ ဒါပေမယ့် ခုထိလူက ကလေးတစ်ယောက်လိုမျိုး စိတ်ဆိုးလွယ် ဒေါသဖြစ်လွယ်နေသေးတာတော့ မကောင်းဘူးပေါ့နော်။ ဒါကိုလဲ ကိုယ့်ဟာကိုယ်တော့သိပါရဲ့ဗျာ။ ဒါပေမယ့် ကျွန်တော်လဲလေ ပုထုဇဉ်ပေမို့ပေါ့ဗျာ။ ရှက်လဲမရှက်တော့ပါဘူး။ ကျွန်တော့်ကောင်းကြောင်းလေးတွေဆိုတော့လေ။ အဟက်။

ကျွန်တော်ကိုယ်တိုင် ပြင်ရမယ်လို့ သိတဲ့အချက်တော်တော်များများရှိပါတယ်။ ဒါပေမယ့် သိသာသိတာ ခုထိသေသေချာချာ မပြင်နိုင်သေးဘူးဗျာ။ အတတ်နိုင်ဆုံး သတိတော့ ထားနေရတယ်။ ကျွန်တော့်ကြောင့် သူများနာကျင်ရတာကိုတော့ ကျွန်တော်ကိုယ်တိုင်နာကျင်ရတာထက် ပိုပြီးကြောက်မိတယ်။ အဲ့ဒါကတော့ ကျွန်တော်ငယ်ကတည်းက ပါလာတဲ့မွေးရာပါ ဗီဇလို့ခေါ်မလား။

ကျွန်တော်က သိပ်စိတ်မရှည်ဘူးဗျ။ စိတ်တိုသိပ်လွယ်တယ်။ တုံ့ပြန်မှူက သိပ်များလွန်းတယ်။ စိတ်တော့ကျွန်တော် တစ်ခါမှ မကောက်မိဘူး။ မိန်းမဆန်တဲ့အလုပ်မျိုးတွေ ကျွန်တော်သိပ်လုပ်လေ့မရှိဘူးဗျ။ လူက မိန်းကလေးသာဖြစ်တာ။ မိန်းကလေးတစ်ယောက်ပုံစံတော့ ကျွန်တော်နေပါတယ်။ ဒါပေမယ့် ကျွန်တော့်မှာမိန်းမဆန်တဲ့ စိတ်မျိုးသိပ်မရှိတာတော့ အမှန်ပဲ။ လောကမှာ ကျွန်တော်စိတ်ရှည်တာဆိုလို့ ကလေးဆိုတဲ့ သတ္တ၀ါလေးတွေပဲ ရှိမယ်ထင်တယ်။ ဘာဖြစ်လို့လဲဆိုတော့ ကျွန်တော် အချစ်ဆုံးအရာက ကလေးဖြစ်နေလို့ပါပဲ။ ကျွန်တော်က သိပ်စိတ်တိုလာရင် ဘယ်သူရယ်လို့ သိပ်မသိတော့ဘူးဗျာ။ ဒေါသထွက်ထွက်နဲ့ ပြောချင်ရာကို ပြောပစ်လိုက်တာ။ ပြီးရင် စိတ်ထဲဘာမှ မရှိတော့ဘူး။ အဲ့ဂလို။

နောက်တစ်ချက်က ကျွန်တော့်မှာ စိတ်ရောဂါလို့ပြောရမလားနော်။ ကျွန်တော့်ကို ကျွန်တော်ချစ်တဲ့သူတွေက မချစ်ဘူးလို့ အမြဲယုံကြည်နေတတ်တာ။ သူတို့က ကျွန်တော့်ကို ဘယ်လောက်ပဲ ချစ်တယ်ပြောပြော ကျွန်တော့်စိတ်ထဲမှာ သူတို့ ကျွန်တော့်ကို တကယ်မချစ်ဘူးလို့ပဲ အမြဲထင်နေတယ်။ ဘာလို့လဲဆိုတော့ ကျွန်တော့်ကိုယ် ကျွန်တော် အရုပ်ဆိုးတယ်လို့ သိထားလို့ပါပဲ။ ကျွန်တော့်ရဲ့ အားနည်းချက်ပေါ့။ ကျွန်တော်သိထားတာက လူတွေက အဲ့ဒီလူ ရုပ်လှလို့ စာတော်လို့ ပိုက်ဆံရှိလို့ ထင်ပေါ်ကျော်ကြားလို့ တစ်ခုမဟုတ် တစ်ခုတော့ ရှိနေလို့ပဲဖြစ်တတ်ကြတယ်လေ။ ကျွန်တော်ကတော့ အဲ့ဒါတွေ တစ်ခုနဲ့မှ မပြည့်စုံဘူးဆိုတော့ ဘယ်သူမှ ကျွန်တော့်ကို မချစ်ဘူးလို့ခံစားရတာ မဆန်းဘူးထင်ပါရဲ့နော်။ ပြီးတော့ ကျွန်တော်က သူများကိုသာ ချစ်တတ်တယ်။ သူတို့က ကျွန်တော့်အပေါ်အချစ်ကိုတော့ မယုံဘူးဆိုပါတော့ဗျာ။

နောက်ပြီးကျွန်တော်က သိပ်ချစ်လွန်းရင်လဲ အဆုံးစွန်ထိ ချစ်တတ်တယ်။ ကျွန်တော်စိတ်နာမိပြီဆိုရင်လဲ ကျွန်တော်ဘယ်လောက်ချစ်ချစ် ကျွန်တော့်စိတ်ထဲမှာ သူဆိုတာ မရှိတော့ဘူး။ ဘယ်လိုမှ ခံစားလို့မရတော့ဘူး။ အဲ့ဂလိုမျိုး။
ကျွန်တော်ပြောတဲ့ အချစ်ဆိုတာက ယောက်ျားမိန်းမ မခွဲခြားတဲ့ ၅၂၈ ကိုဆိုလိုတာပါ။

ပြီးတော့ ကျွန်တော်က ကြိုက်မိပြီ စွဲလန်းမိပြီဆိုရင် အဲ့ဒါမှ အဲ့ဒါဗျ။ ဥပမာ သီချင်းတစ်ပုဒ်ကို ကြိုက်မိပြီဆိုရင် အဲ့ဒီသီချင်းကို အကြိမ်ကြိမ်အခါခါ နားထောင်တယ်။ ဒါပေမယ့် ရိုးမသွားဘူး။ ကျွန်တော်သိပ်ကြိုက်တဲ့စာအုပ်ဆိုရင်လဲ အဲ့ဒီအတိုင်းပဲ။ လေရူးသုန်သုန်ဆိုပါတော့။ ဆရာမြသန်းတင့်ရေးတဲ့ စာအုပ်ရော၊ သူ့မူရင်း မာဂရက်မီရှယ်ရဲ့ သဂွန်းဝစ်သယ်ဝင်းဒ် ( Magret Michell> The Gone With The Wind ) ရော ဖတ်တာ အားလုံးပေါင်း ၃နှစ်အတွင်း ၁၁ကြိမ်ရှိပြီ။ အဲ့ဒါတောင် သတိရတိုင်း ပြန်ဖတ်ချင်နေသေးတယ်။ အဲ့ဂလိုမျိုး။

ကျွန်တော့်ရဲ့အားနည်းချက်က အားနာတတ်တာဗျ။ အားနာတယ်ဆိုတာထက် ကျွန်တော့်ကြောင့်သူများ စိတ်မကောင်းဖြစ်သွားမှာ စိုးရိမ်တဲ့စိတ်က ကျွန်တော့်ဆီမှာ အမြဲရှိနေတော့ ကျွန်တော့်ကိုထိခိုက်တာပေ့ါဗျာ။ အားနာပြီး အရမ်းပင်ပန်းလိုက်ရတဲ့အဖြစ်တွေ၊ နာကျင်လိုက်ရတဲ့အဖြစ်တွေ၊ အိပ်ရေးပျက်ပြီး ဖျားတဲ့ဒဏ်တွေ ဒီ ၂၁နှစ်အတွင်း အကြိမ်ပေါင်းမနဲတော့ဘူး။ ဒါလဲမမှတ်သေးပါဘူးဗျာ။ ခုထိ အဲ့ဒီအကျင့်ကိုဖျောက်မရဘူး။

ကျွန်တော့်ရဲ့ နောက်ဆိုးရွားလွန်းတဲ့အချက်က သိပ်ခေါင်းမာတာ။ ကိုယ်မှန်တယ်လို့ ယုံကြည်ထားရင် ဘယ်သူဘာပြောပြော ကျွန်တော်နားမ၀င်ဘူး။ နားပဲထောင်တယ်။ ဒါပေမယ့် ကျွန်တော့်အယူအဆကိုတော့ လက်မလွတ်ဘူး။ ကျွန်တော့်ရဲ့ခေါင်းမာလွန်းတဲ့ဒဏ်ကို ကျွန်တော့်မိဘတွေတောင် တစ်ခါတလေ မခံနိုင်ကြဘူးလေ။ ပြီးရင် ကျွန်တော်က တစွတ်ထိုးရယ်။ ပြီးမှ နောင်တရတတ်တယ်။ အဲ့ဂလိုလူစားမျိုး ကျွန်တော်ရယ်။ နောက်ပြီး အရွဲ့တိုက်တတ်တာလဲလွန်ရော။ ပြောရမယ်ဆိုရင် ကျွန်တော်က အစွန်း၂ဘက်ကိုရောက်နေတဲ့လူစားမျိုးထင်ပါ့။ ဒါပေမယ့် ခုတော့ စိတ်ကို ကြိုးစားပြီး အလယ်ရောက်အောင် ပို့နေရတယ်။ တော်တော်တော့ ခက်တယ်ဗျ။ ဒါပေမယ့် သတိရတိုင်း သတိပဌာန်ကိုတော့ လုပ်ကြည့်နေတယ်။ မဆိုးဘူး။ တော်တော် စိတ်အေးချမ်းတယ် ပြောရမယ်။

ပြောရမယ်ဆိုရင်တော့ စိတ်နဲ့ပတ်သတ်ပြီး ပြောမကုန်ပေါ့ဗျာ။ ကျွန်တော်ကြိုက်တဲ့အချက်လေးတွေ ရှိသလို ကျွန်တော်မုန်းတဲ့အချက်တွေလဲရှိတာပဲ။ မကောင်းမှန်းသိပေမယ့် မပြင်နိုင်သေးတဲ့ကိုယ့်ကိုယ်ကိုယ်လဲ မုန်းမိပါရဲ့။ ဒါပေမယ့်လဲလေ ကျွန်တော်လဲ ပုထုဇဉ်လူသားပေမို. .... ။